1.3 Aan die slag - Die Opdragreël

Daar is baie verskillende maniere om Git te gebruik. Daar is die oorspronklike opdragreël-nutsmiddels (command line tools), en daar is talle grafiese gebruikerskoppelvlakke (GUI’s) met verskillende vermoëns. In hierdie boek gaan ons Git op die opdragreël (command line) gebruik. Dit is omdat die opdragreël die enigste plek is waar jy alle Git-opdragte kan uitvoer – die meeste GUI’s implementeer vir die gemak van die gebruiker slegs 'n deel van Git se funksionaliteit. As jy die opdragreël-weergawe kan gebruik, sal jy waarskynlik ook kan aanvoel hoe om 'n GUI-weergawe te gebruik, terwyl die omgekeerde nie altyd die geval is nie. Ten slotte: die keuse van grafiese hulpmiddel is 'n kwessie van persoonlike smaak, terwyl alle gebruikers die opdragreël-nutsmiddels geïnstalleer het en tot hul beskikking het.

Ons gaan dus daarvan uit dat jy weet hoe om 'n rekenaar-terminaal (terminal) in macOS te open, of 'n Command Prompt of PowerShell in Windows. As jy nie weet waarvan ons hier praat nie, is dit dalk verstandig om hier 'n bietjie te stop en dit op te soek sodat jy die res van die voorbeelde en beskrywings in hierdie boek kan volg.